Snillingur með meiru :)

góðir hálsar, bæði heilir og hálfir!!!

2007-03-01T17:49:00.000Z

jæja, var skömmuð afar mikið af Tryggva fyrir að vera ekki búin að blogga neitt og hafa bara enn gleðilegt árið, þannig að ég hunskast víst til að láta til mín taka í þessum málum. Annars er bara allt brjálað að gera, reyndar svo mikið að ég má varla vera að því að sitja hér og skrifa. Próf í næstu viku sem ég held að ég fari reyndar dálítið flatt á, fell á rassgatið með stæl ;-) Prófið er í tölfræði sem segir nú kannski heilmikið um efni þess og eftirvæntinguna sem fylgir því að lesa fyrir það. Annars hvet ég alla sem ekki eru virkir limir hvað varðar hreyfingu að skella sér með mér í body jam og koma og æfa með mér í hreyfingu, mín reynsla er að það er æðislegt og einnig vil ég fá sem flesta til að koma með okkur þjóðfræðistelpum/ og einum strák í þjóðdansafélagið á fimmtudagskvöldum og dansa þar þjóðlega dansa með okkur, við erum ógeðslega skemmtileg!!!
en er farin að lesa undir próf, hunskast heim eftir að vera búin að sitja hér á bókhlöðunni og hlusta á talglærur um tölfræði af tölfræðivef amalíu sem ég mæli með handa þeim sem skilja lítið eða ekki neitt
góðar stundir

Gleðilegt árið

2007-01-06T13:54:00.000Z

Sælir góðir hálsar
Jæja nú er árið liðið og nýtt ár komið. Sé litið yfir farinn veg gerðist nú eiginlega afar lítið á liðnu ári, framan af ári snérist allt um að samræma vinnu og nám, kennslufræði, námsráðgjöf og vinna, allt saman hafðist þetta nú allt og lauk með stórri veislu okkar Hullu um vorið (eins gott fyrir þá að muna eftir því sem mættu!!!)
Tvær giftingar voru á árinu, annarsvegar Magga systir og Agnar og hinsvegar Guðlaugur systursonur og Valdís, ein skírn og nokkur afmæli!!! Eitt afmælið var stærra en önnur og endaði á annan hátt en hin, sælla minninga sem fólust meðal annars í því að eitt afmælisbarnið þurfti sáraumbúðir á handlegg eftir að detta úr bát og fótbrotnaði síðan seinna um kvöldið sem hafði þær afleiðingar að viðkomandi var óvinnufær um tíma
Silvía Nótt komst í eurovision, ótrúlega flott og hefði átt að vinna!!!
Sumarið var sólarlítið en mjög skemmtilegt, mæli með því að vinna á leikskóla á sumrin, ein sumarbústað var farin í sumar og var þá skundað á Austurland og megnið af því skoðað, Sigga vellti bílnum en slapp furðu vel og stofnsetti þrjár félagsmiðstöðvar í kjölfarið.
Rauður minn fór frá mér :-(
Ég var gerð að ömmusystir og má sjá krílið hér http://www.barnaland.is/barn/55645
Júlla flutti heim, Ranní og Brandur fluttu á Súðavík og svo aftur í bæinn, Pálína flutti milli gatna, Gústi í nýja íbúð en ég flutti ekki neitt en rollan mín rúntaði um sveitina.
Ranní útskrifaðist, ég líka og Hulla og Anna fór í skóla.
Inna eignaðist litla stúlku, voða sæt og heitir Eyja
Ég hélt áfram í námsráðgjafarnáminu og hver segir svo að lítið hafi gerst á árinu?

2006-09-04T17:55:00.001Z

Frábær helgi að baki...má segja að hún hafi byrjað á fimmtudegi þar sem vinnan fór saman í bíó á myndina hættu að reykja (eða eitthvað svoleiðis), frekar óvanaleg mynd sem að ég verð að játa að mér hefði lítið þótt koma til nema að hún varð bara skemmtileg út af skemmtilegum félagsskap ;-)...gleðin hélt síðan áfram á föstudaginn en þá var partý í vinnunni og það var nú ekkert smá þrusupartý enda konan að vinna með alveg frábæru liði..Þið eruð öll æðisleg!!! og ég skil ekki hvernig svona skemmtilegt lið getur verið að vinna allt á sama vinnustaðnum..pæling!..á laugardaginn komu síðan anna, mamma og krakkarnir í bæinn og líka sigga, ómar og silvía frá breiðdalsvíkinni..þannig að við halldóra margrét fórum í húsdýragarðinn að deginum þannig að anna og mamma gátu vafrað um smáralind og hamstrað þar allar lystisemdir á meðan, þrælgaman í garðinum enda veðrið alveg frábært, um kvöldið fóru anna og co aftur vestur en við sigga og co skunduðum heim til hullu og co þar sem setið var yfir pitsu og fleiru frameftir kvöldi, á sunnudaginn náði ég merkum áfanga en það var að klífa esjuna, það tók dálítið í en var bara gaman, ég fór reyndar ekki alveg upp, lét duga að fara alveg upp að keðjunni sem er notuð til að hjálpa sér upp, fer alveg upp í næstu ferð enda skófatnaðurinn ekki upp á marga fiska eins og er...vill einhver rölta með mér þá?

miðvikudagur til mæðu?

2006-08-30T19:21:00.001Z

Jæja þá er ég búin að fara á kynningarfund með náms-og starfsráðgjöfinni og verð nú eiginlega að játa að ég veit ekki hvort mig hlakkar til eða ekki að fara aftur að læra...búin að hafa það svo asskoti huggulegt að gera ekki neitt annað en að vinna í 3 mánuði og nota bene bara í einni vinnu en ekki að leysa af hér og þar á söfnum eða annarsstaðar...ég á eftir 22 einingar til að fá starfsréttindi sem námsráðgjafi en síðan eru 30 einingar í viðbót við það til að klára masterinn...annars er nú frekar lítið að frétta nema að núna er stefnan að hrista í sig kjark til að fara á námskeið í hreyfingu sem að heitir herinn og er nokkurn veginn það sama boot camp, og spurningin er mun ég deyja í tímanum eða ekki...gæti hugsanlega bara orðið veðmál meðal þeirra sem vilja ;)...

2006-08-27T16:52:00.000Z

vil bara benda fólki á flottar brúðkaupsmyndir af svenna og mörtu sem eru á síðu gabríelu og daniels

2006-07-30T17:21:00.000Z

menn eru bara latir í dag...þyrftu helst að fara í göngutúr til að vakna almennilega til lífsins...gærkvöldið var mjög skemmtilegt og bara vel heppnað bryggjuball hjá þeim grundfirðingum þrátt fyrir að vera grundfirðingar ;-)..ég fór með guðrúnu og möggu og kom seint heim allavega miðað við útivistartíma guðrúnar sem rann út á miðnæti..við vorum þarna 5 starfsmenn á leikskólanum en ég hitti þó aldrei kristínu og ingjibjörgu jöru enda ekki skrýtið þar sem fjöldinn var mikill..gaman að hitta grétu og alla hina enda kemst maður alltaf af því að maður er alltof latur að hitta fólk.. sem er skammarlegt..kannski ágætt miðsumarheit að hitta fólkið oftar og gera eitthvað skemmtilegt..sófinn og sjónvarpið geta alltaf beðið betri tíma..hvað segið þið um það...fleiri bíoferðir, gönguferðir, kaffihúsaferðir, keiluferðir..hverjir eru game??..enginn??

sumarið er að verða búið!!!

2006-07-29T13:14:00.000Z

Ákvað að blogga í snatri þar sem edda er farin að rífa hár sitt yfir bloggleysi mínu...ekki gott að missa hárið á unga aldri... þessi færsla verður þó gerð á hlaupum því að ég er að passa börn systur minnar og bjarni þormar sem er 7 mánaða er iðinn við að rústa herbergi 2 ára systur sinnar sem lætur slíkt nú ekki viðgangast. Annars er lítið að frétta..sumrinu er ég búin að eyða að mestu leyti í vinnunni og í hreyfingu og fyrir vestan um helgar.. það er alveg ólíkt að vinna á leikskóla á sumrin eða lokuð inni á skrifstofu fyrir framan tölvu.. ég verð að játa að ég kýs frekar leikskólann, gott að geta verið úti og ekki er það verra að það er frábært fólk sem ég er að vinna með..myndi ekki skipta þótt mér væri boðið það..reyndar var mér boðið framtíðarstarf hér fyrir vestan en ég get ekki þegið það eins og stendur þar sem ég ætla að klára námið og halda áfram að vinna á leikskólanum með...fórum út í viðey í gær með börnin á leikskólanum og það var nú bara frekar gaman..í dag ætla ég hinsvegar að skella mér í grundarfjörð þar sem þar er á góðri stund og kíkja síðan á bryggjuballið í kvöld, annars er það kannski helst að frétta að ranní og brandur eru að flytja burt af skaganum. þau eru að fara til súðavíkur þar sem ranní er að fara að kenna í grunnskólanum og brandur fer á sjóinn, þótt að þetta sé gaman fyrir þau þá ætla ég að vera svo frek að vona að þau verði samt ekki alltof lengi þarna og komi fljótlega aftur þar sem verður styttra að kíkja til þeirra. í vikunni fer ég í sumarbústað og hitti siggu, ómar og silvíu fyrir austan og næsta færsla verður væntanlega um það ferðalag en júlla mín elsku hjartans dúlla...til hamingju með afmælið

Júlí

2006-07-11T16:41:00.000Z

sæl öll sömul...hef lítið bloggað og sé að flestir eru hættir að kíkja á þessa síðu þar sem lítið fer þar fram af ritstörfum...en er þó enn á lífi og uni hag mínum bara býsna vel enda sumar úti og hver nennir þá að liggja í tölvunni? En til hamingju pálína með íbúðina og guðrún með hjólið..þetta finnst mér alveg meiriháttar...til lukku!!!!

2006-05-31T18:32:00.000Z

sæl verið þið...hef ekki bloggað lengi núna og tími kominn til að gera eitthvað í því núna.
Ég er búin að vera viku fyrir vestan í sauðburði hjá möggu frænku..það var nú ekki mikið að gera verð ég að segja því að það var eins og rollurnar væru með tappa í æðri endanum og ekkert lamb kom út og það báru ekki nema ca. 3 á sólarhring þannig að þetta var orðið frekar leiðigjarnt..miklu betra þegar þetta gengur með hraða fyrir sig...en í staðinn gat ég verið meira með önnu systur og co. sem var bara nokkuð skemmtilegt enda anna einn af mínum betri helmingum ef svo má segja.
Ég var að koma úr útskriftarferð með leikskólanum og við fórum suður með sjó að Flankastöðum sem eru rétt við jaðar sandgerðis..þar vorum við heilan dag í rigningu og smá golu (að íslenskum mælikvarða), börnin urðu strax rennandi blaut og vildu bara vera inni en ég plataði þó 4 stelpur til að rölta með mér inn í sandgerði þar sem við heimsóttum gústa frænda minn en það var bara nokkuð stuð...annars er bara allt gott að frétta nema að það er tómlegt að hafa ekki lísu í vinnunni..vonandi gengur þér vel lísa mín að grafa upp leifar þræla og fornmanna!!!
Og stóru fréttirnar eru þær að Júlla kemur frá kaliforníu á morgun þar sem hún er búin að vera í vetur að þjóðfræðingast..
annars nóg í bili
heido

smá kveðja úr hólminum

2006-05-26T21:41:00.000Z

jæja, núna er sauðburður í fullum gangi og eru fjórar af mínum kindum búnar að bera og eiga allar tvö lömb...hinsvegar gengur burðurinn afar hægt og það eru um það bil tvær til fjórar sem að bera á dag, en slíkt þykir afar lítið...þar sem ég sit hér hjá systur minni verður þessi færsla frekar stutt, en vert er þó að geta þess ein einkunn er komin..fékk 9 í gerð námsskrár sem dugar ekki til að toga meðaleinkunn upp í 9, heldur er hún í 8,75 en enn vantar eina einkunn í kennslufræðinni og eina í námsráðgjöfinni

2006-05-18T16:54:00.000Z

hún gerir það greinilega...hjálp, edda eða guðrún eða einhver...hvernig fæ ég bloggið til að fara upp aftur á sinn stað????

2006-05-18T16:53:00.000Z

í dag er silvía nótt að keppa.....áfram silvía...ég er bara að tékka á því hvernig þessa færsla verður..hvort hún hverfur niður eins og síðast eða hvað

2006-05-16T17:47:00.000Z

ég var búin að blogga heila helling en veit ekki hvert það fór...hmm skrýtið

2006-05-16T17:11:00.000Z

sæl verið þið...
langt síðan ég hef bloggað en ég er þó enn á lífi..prófin eru búin og núna bíð ég bara eftir einkunum, ég veit ekki hvernig mér gekk en ég vona þó að ég hafi náð..nenni ekki að fara að taka þetta allt aftur, slíkt er sóun á peningum og orku.
Ég sit núna í odda og það eru sko engar smá sprengingar..nötrar bókstaflega allt og skelfur og því ekki furða að prófin hafi verið færð..ég var í prófi í VRII og var heillengi að finna stofuna mína og þar var reyndar ekkert minni hávaði því að einhverjir krakkar lágu á gluggunum og gláptu inn og sá sem sat yfir okkur var ekkert að spá í því..enda bara gamall maður sem að var að auka lífeyrinn sinn.
Ég vildi að ég væri búin með meira í náms- og starfsráðgjöfinni því að það er verið að auglýsa helling, meira að segja í Hagaskóla..það væri reyndar dálítið gaman að sækja um það..en ég ætla að klára meira í náminu áður en ég fer að sækja um og skoða þá bara auglýsingar næsta eða þarnæsta ár.
Í gær kláraðist beðmál í borginni og ég er staðráðin í því að safna þessum þáttum..þeir eru frekar skemmtilegir..ég ætla líka að fara að safna vinum....bara ábendingar fyrir þá sem þurfa að fara að huga að útskriftargjöfum...
Um helgina fer ég vestur í sauðburð og verð þar í heila viku...ég held að það verði bara nokkuð skemmtilegt og gaman að geta hitt alla þar..annars verð ég að vinna á Hagaborg í allt sumar og fer síðan í sumarfrí í byrjun ágúst en ég fékk sumarbústað á Eiðum í gegnum stéttarfélagið mitt og þar kem ég til með að verða í heila viku..ég vona bara að sá bústaður verði ekki eins framandlegur og sá sem við fórum í síðasta sumar í Hænuvík..vorum í gamla húsinu sem að sést á myndinni ;-)
Nýjasta nýtt er að Hrísar, gamla sveitabýlið mitt, er til sölu, smellið á hrísa og sjáið myndir af stórbýlinu..það er fyndna er að sá sem keypti af okkur keypti 17oo hektara á 40 millur en er núna að selja 300 hektara á 55 millur..á einhver pening handa mér svo að ég geti keypt???
Mér leiðist Woody Allen...hver fann hann eiginlega upp?? sá sami hefur varla grætt jafn mikið og sá sem fann upp límið eða post it..þvílík uppfinning...og hverjum datt í hug að fara að skemma sunnudagskvöldin á skjá einum með myndum eftir þennan mann og það sem verra er..hann leikur sjálfur í þeim öllum..kannski einu hlutverkin sem að hann hefur fengið um ævina!!!
En nóg bull í bili..segi bara áfram silvía nótt...ég vona að hún vinni þetta.....
sjáumst...................

Hún á afmæli í dag, hún á afmæli í dag!

2006-04-28T10:46:00.000Z

Hreinskilnasta persóna í heimi á afmæli í dag..fyrir þá sem ekki þekkja til þá er það hún vinkona mín sem að ég hitti fyrst í menntaskóla fyrir hmmm.... alltof mörgum árum síðan...hún Ranný...frá því hittumst hefur margt breyst enda daman 30 ára í dag, gift tveggja barna móðir að klára ba-ritgerð í haust..til hamingju með daginn Ranný mín, love you!!! yngri dóttir hennar á líka afmæli á morgun og verður þá eins árs, sætar mæðgur á flottum degi!!! Eins og flestir vita er ég komin með msn og þótti þá vera frekar ánægð með mér fyrir tæknina en ég er núna búin að játa það að ég get bara ekki haldið í framfarirnar því að núna eru Sólveig, Lísa, Guðrún og Pálína komnar með myspace, þær hafa nú verið ´duglegar að útskýra þetta fyrirbæri fyrir mér en ég fatta það kannski á næsta ári hvernig þetta virkar allt saman...segir konan sem er ekki enn komin með debitkort!!!

Brjálað að starfa

2006-04-25T17:26:00.000Z

Sæl öll sömul..það er búið að vera mikið að gera undanfarið, á þremur dögum fór ég í 1 skírn og 2 giftingar og get ég ekki annað sagt en það sé búið að borða kvóta næstu daga..annars er allt gott að frétta, bara verið að vinna í vinnunni og síðan verið að leggja lokahönd á öll verkefnin sem eiga að skilast núna á næstu dögum, framundan er síðan prófalestur sem lýkur þann 9 mai næstkomandi...núna bíð ég bara eftir að vita hvort ég fæ sumarbústað í sumar en það kemur á næstu dögum...var að ákveða í dag að reyna að komast til skotlands næsta vor þannig að núna er bara að fara að safna. Þetta er vinnuferð þannig að endilega sækið um á leikskólanum hjá mér sem fyrst svo þið komist með..stefnt er að því að fara eftir próf næsta vor..þannig að það verður líklega engin útskriftarveisla það vorið...en þangað til næst..hafið það sem best
heido

Páskafrí

2006-04-12T19:26:00.001Z

Heil og sæl.
Nú er komið langþráð páskafrí!!! Var að klára að vinna, var að klára ræktina og er senn að klára Reykjavík líka..stefnan er tekin vestur þar sem hægt verður að dunda sér eitthvað skemmtilegt, kannski að toga í nokkra dindla á nýfæddum lömbum ;) en kindurnar í sveitinni eru farnar að skipta sér! Ég er þó ekki enn komin í páskafrí í skólanum þar sem ég á eftir að mæta í allavega einn tíma eftir páska og skila þremur verkefnum og taka eitt próf. Verð búin 9 mai og þá verður bara farið að vinna svona til tilbreytingar..+ að fara í sauðburð eina viku í mai...en þangað til næst gleðilega páska allir nær og fjær!!!
heido

2006-04-08T16:19:00.000Z

Halló halló. Ég heiti Edda og er að fikta í síðunni hennar Bryndísar. Eins og sjá má þá vorum við að setja inn fleiri linka. Einnig vil ég tilkynna að þessi kona, sem kemur úr fornöld, hefur loksins látið til leiðast og gefist upp á frekjunni í mér og er því komin með msn. Klöppum kellu á bakið og öddum henni inn hjá okkur (þar sem hún er enn að læra að adda sjálf - hún veit ekki hvað adda þýðir). Msn-ið er brillabrok@hotmail.com

Kveðja úr Grafarholtinu,
Edda bredda brjálaða sem er líka með msn, theddag@hotmail.com

Ég var klukkuð!!

2006-04-04T17:32:00.000Z

Ég var klukkuð og verð því að gefa upp nokkrar staðreyndir um sjálfan mig:

4 störf sem að ég hef unnið um ævina?
Við landbúnað, í rækjuverksmiðju, í bakaríi, á safni, á árnastofnun, í skelfiski, við sagnagrunninn, á leikskóla, á hóteli, á myndbandaleigu og sjoppu, við prófarkalestur..get bara ekki hætt að telja upp!!!

4 kvikmyndir sem ég gæti horft á aftur og aftur:
Zorro, true lies, bridget jones, scorpion king og margt fleira..á fullt af myndum!!!

4 staðir sem ég hef búið á:
Hrísar, Reykjahlíð, Reykjavík (hraunberg, gamli garður og skerjagarður), Hafnarfjörður, Akranes og Stykkishólmur (vallarflöt, skúlagata, hafnagata, skólastígur og silfurgata)...get ekki skilið neinn stað útundan en geri aðrir betur!!!!

4 sjónvarpsþættir sem mér líkar:
Beðmál í borginni, vinir, aðþrengdar eiginkonur, oc, survivor..allt frábærir þættir og þegar þessir þættir eru þá er helgistund hjá mér og bannað hringja eða koma í heimsókn!!! annars get ég talið upp miklu fleiri þætti en þessir teljast til helgistunda..

4 staðir sem ég hef heimsótt í fríi:
Á Íslandi: Ísafjörður, patró, bíldudalur, tálknafjörður, hólmavík, bolungarvík, suðureyri, drangsnes..nenni ekki að telja meira..hef ferðast um allt landið á þó eftir grímsey, þórshöfn, kópasker, raufarhöfn og vopnafjörð + allt hálendið

Í útlöndum: Ítalía, þýskaland, austurríki, tekkóslóvakía, feneyjar, noregur og írland.

4 síður á netinu sem ég heimsæki daglega:
Fer alls ekki daglega á netið..en þegar ég fer þá er það..háskólasíðan, stykkishólmspósturinn, mbl.is og bloggsíður

4 matarkyns sem ég held uppá:
Svínakjöt og aftur svínakjöt..allt annað hefur bara næringargildi

4 staðir sem ég vildi heldur vera á núna:
Stykkishólmur, skítug í fjárhúsum, í göngutúr einhversstaðar upp í sveit, á ferðalagi úti á landi eða erlendis

4 aðilar sem ég klukka:
Hulla, Júlla, Pálína og Tobba

2006-03-30T18:01:00.000Z

Ég var að gera verkefni um daginn sem er nú kannski ekki í frásögur færandi í allri þessari verkefnasúpu sem að er í þessu námi nema að það fólst í því að taka heimasíður skóla og rífa þær í sig..á sanngjarnan hátt...nema að ég valdi Kvennó og tætti hana í mig á mjög, afar kurteislegan hátt..þeir sem þekkja til vita að kvennó er fremur gamall skóli sem að heldur í hefðir og var heimasíðan algjörlega endurspeglun á þeim viðmiðum skólans og ég sagði það á kurteislegan hátt..að mér fannst..enda átti að senda verkefnið á skólana..nema hvað..áðan fór ég á síðuna og hún hefur hreinlega tekið stakkaskiptum og er orðin nútímaleg í alla staði..mér er því spurn getur verkefni haft þessi áhrif??

2006-03-17T12:48:00.000Z

Sæl verið þið.. verð að blogga í dag því að dagurinn í dag er dagurinn þar sem fólk minnist Ögmundar Helgasonar en verið er að jarðsetja hann í dag...Frábær maður sem að gott var að gera ritgerðir hjá, spjalla við og fræðast um gamlar vísur, sögur og allt annað sem að snéri að þjóðháttum til sveita og fleira sem að snéri ekki að því...því eins og flestir vita hafði hann einstaklega gaman af því að tala um eitthvað annað en námsefnið..sem flestum þótti nú bara skemmtilegt..ég tileinka því þessum degi minningu hans!!

Long time no see!

2006-03-15T19:23:00.000Z

Sæl verið þið..ég fór inn á bloggsíðuna mína og sá mér til skammar og vanvirðingar hvað það er langt síðan ég hef bloggað..en ég er enn á lífi...prófið í námsskrárgerð að baki og Júlla varð sannspá..ég er frábær námsskrárgerðarmaður því að ég hafði 9,5 á prófinu..en próf segja alls ekki allt!! um vitneskju manneskjunnar heldur einfaldlega hvað viðkomandi er góður í utanbókarlærdómi, og tel ég mig vera nokkuð sleipa á þeim sviðum..látum liggja á milli hluta um skilninginn...annars er allt ágætt að frétta.. við Edda erum komnar í rokna átak í Hreyfingu og núna verður öllum limum skakað eins og best má ;-) og hvernig lýst ykkur brókum á þau fyrirheit að eftir 7 kíló verður farið í brókarsamsetu í sumarbústað um eina helgi?? Frábær fyrirheit eða ekki? En nóg í bili
sjáumst!!!

2006-02-24T14:39:00.000Z

he, he skemmtilegt þegar maður er að flýta sér..hakan nam vel við höku...gaman af þessu ;)

Undur og stórmerki

2006-02-24T14:32:00.000Z

Í gær þegar ég kom heim beið mín bréf og ég verð að játa að innihald þess kom mér verulega á óvart...reyndar olli það því að hakan nam vel við höku!!! jú, systursonur minn er að fara að gifta sig..karlinn sá...Laugi sem má finna hér mynd af á síðunni og Valdís eru að gifta sig í apríl...Gleðileg og mjög óvænt tíðindi
Hinsvegar varð Dísa frænka 26 ára í gær..til lukku með það..
Annars er lítið um að vera nema verkefni og aftur verkefni nema að núna er framundan langir dagir við próflestur þar sem ég er að fara í próf þann 2 mars. næstkomandi í gerð námsskrár..skemmtilegt.. en á meðan vona ég að flestir hafi það sem best og láti sér líða vel...
heid0

Rosaleg helgi!!!

2006-02-19T13:28:00.000Z

Rosaleg helgi að baki...verkefni, verkefni verkefni og verkefni....toppurinn af þessu var þó hittingu bróka hjá Guðrúnu og frábær matur sem að Guðrún hristi fimlega fram úr erminni....takk fyrir mig og hlakka til næsta brókarsamsetu...

2006-02-12T14:09:00.000Z

Jæja góðu hálsar látið nú í ykkur heyra og svarið þessum spurningum um mig.

1. Hver ert þú?
2. Erum við vinir?
3. Hvenær hittumst við fyrst og hvernig?
4. Hefurðu komið í heimsókn til mín?
5. Ertu með ofnæmi fyrir Carmen?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

2006-02-05T13:26:00.000Z

talandi um keppnina fann ég hérna síðu sem að einhver hefur verið að dúlla sér við að gera
http://www.yr.is/eurovision/main.html

Til hamingju Ísland!!!!

2006-02-05T12:43:00.000Z

ég er ótrúlega ánægð með....að ísland vann í handboltanum..hmm,jú, ég er ánægð með það en það jafnast þó ekki á við það að Silvía Nótt komst í undankeppni eurovision, hún rokkar feitt...
http://www.flurl.com/uploaded/Eurovision_lagid_55040.html

2006-02-01T17:55:00.000Z

Gaman af þessum gömlu myndum,
hér er Laugi þegar hann var ungur. Ragga á Helgafelli og Linda. Geiri að viðra sig þegar hann var ungur og sætur. Lína sem að passaði mig oft. Maggi og Svenni voru og eru enn sætir ;) og saurarnir líka!

2006-02-01T17:41:00.000Z

Eitthvað er þessi linkur að stríða mér, prófa aftur að setja inn mynd af konunni, smellið hér

2006-01-31T18:13:00.000Z

Einu sinni voru sumir bara nokkuð sætir, getið þið fundið mig? kíkjið á þessa mynd.

Tækni

2006-01-26T18:09:00.000Z

Ég held að tæknin sé að fara fram úr mér, núna sit ég við tölvuna og skrifa þetta blogg og hvað haldið þið að ég sé að gera á meðan, Jú..datta damm, ég er að hlusta á fyrirlestur um fjarnám og dreifnám frá kennaranum mínum sem er staddur í Háskólanum í Reykjavík, fékk nýjan kennara í upplýsingatækninni um áramótin og hún les inn á hljóðglærur sem við þurfum að hlusta á, einstaklega áhugavert eða þannig. Annars sé ég fram á það að þessi önn á eftir að verða brjáluð varðandi verkefnavinnu, jáhú, hinsvegar eru aðalfréttirnar þær að gömlu hjónin, foreldrar mínir, eru að fara í mánuð á kanarí, ég væri nú bara til í það að fara með þeim.....best að láta sig dreyma....

skammir!!!

2006-01-20T15:03:00.000Z

Ég er búin að fá skammir frá nokkrum aðilum fyrir að hafa gleymt að nefna þá í annálnum mínum sem að ég gerði hérna eftir áramótin,, ég biðst velvirðingar á þessu og tek það fram að þeir atburðir sem ekki var minnst á voru samt skemmtilegir og minnistæðir t.d. ýmis partý og fermingarveislur!!! Hinsvegar er lítið af mér að frétta, skólinn er byrjaður og púsl kennslufræði og námsráðgjafar er í fullum gangi, spurning er hvað ég tek margar einingar í námsráðgjöf þetta árið, 5 eða 8? en ég er með 10 einingar í kennslufræði og er að vinna líka, hvað haldið þið að ég eigi að taka mikið? Klukkan er þrjú og ég er búin í skólanum og veit varla hvað ég á af mér að gera en er að hugsa um að fara í kringluna og reyna að finna sængurgjöf áður en ég fer í leikfimi.

2006-01-16T17:46:00.000Z

Sæl verið þið..núna er einn einstaklingurinn enn kominn í fjölskylduna því að Magga systir og Agnar eignuðust stelpu á síðasta fimmtudag nánar tiltekið 12 janúar...hún er bara nokkuð sæt og hafa þær mæðgur það gott..aðrar fréttir eru þær að hún Hulla er farin að blogga og getið þið núna farið að fylgjast með lífinu á Kristnibrautinni hahæ!

Nokkur orð um konur og karlmenn

2006-01-10T17:07:00.000Z

1.HVERS VEGNA ERU KARLMENN GÁFAÐARI MEÐAN ÞEIR HAFA MÖK?(vegna þess að þeir eru tengdir við snilling!)
2.HVERS VEGNA BLIKKA KONUR EKKI AUGUNUM MEÐAN ÞÆR HAFA MÖK?(þær hafa einfaldlega ekki tíma!)
3.HVERS VEGNA ÞARF MILLJÓNIR SÆÐISFRUMA TIL AÐ FRJÓVGA EGG?(þær stoppa ekki til að spyrja vegar)
4.HVERS VEGNA HRJÓTA KARLMENN ÞEGAR ÞEIR LIGGJA Á BAKINU?(pungurinn fellur yfir rassgatið og stöðvar gegnumtrekkinn)Þið eruð farnar að brosa núna stelpur, er það ekki? ;o) 5.HVERS VEGNA FENGU KARLMENN STÆRRI HEILA EN HUNDAR?annars væru þeir riðlandi á fótleggjum kvenna í kokteilboðum)
6.HVERS VEGNA SKAPAÐI GUÐ MANNINN Á UNDAN KONUNNI?(þú þarft jú gróft uppkast áður en þú gerir lokaútgáfuna)
7.HVE MARGA KARLMENN ÞARF TIL AÐ SETJA KLÓSETTSETUNA NIÐUR?(hmm, veit ekki.....það hefur ekki gerst ennþá)
Einn góður í lokin...
8.HVERS VEGNA SETTI GUÐ KARLMANNINN Á JÖRÐINA?(vegna þess að titrari slær ekki garðinn)

Gleðilegt árið!!

2006-01-07T12:32:00.000Z

Heil og sæl öll sömul og ég vona að árið hafi heilsað ykkur með gleðibrag eða þá einhverjum brag hafi gleðin ekki verið fyrir hendi..það er víst alltaf siður að líta yfir farinn veg við tímamót og því við hæfi að gera það snöggvast! Janúar=nýtt ár heilsaði með brjáluðum snjó og vitlausu veðri sem að þýddi það að ég þurfti að moka hann rauð upp í 3 klukkutíma að meðtöldum vegi fyrir hann til að komast út á veg. Moksturinn tók á og á eflaust eftir að verða mér mjög minnistæður um komandi tíð en ég naut þó dyggar aðstoðar Guðrúnar frænku og seinna meir Önnu systur og pabba gamla sem að ég skammaði þó í botn fyrir vikið þar sem hann ruddi öllu fyrir aftur með traktornum. Reyndar voru skaflar líka inni í rauð þar sem vélarhlífin var full af snjó enda var þetta veður í lagi. Þegar ég kom í bæinn tók við vinna og skóli sem að fólst í brjálaðir verkefnavinnu út allann janúar. Bjössi fændi varð 3 þriggja ára og haldin var stór afmælisveisla með frænkum og öllu tilheyrandi. Febrúar var mánuður æfingakennslu með einstakri taugatrekkelsi einkum vegna þess að mynda varð herleigheitin fyrir kennarann þannig að hann gæti fylgst með því hvernig við stæðum okkur. Öskudagur var líka í þessum mánuði og þá var ég frú rúsla og fór þannig í háskólann og þótti mörgum það mikið til eftirtektar (skrýtið lið). Í mars fór ég meðal annars á árshátíð með kennurum Kvennaskólans og Aleksöndru og skemmtum við okkur hið besta uppi í skiðaskála. í þessum mánuði var ég mikið fyrir vestan að pakka niður dótinu mínu því að fyrir séð var að mamma og pabbi myndu selja jörðina og að eini tíminn sem að ég hefði til að flytja allt mitt hafurtask var í páskafríinu þannig að það frí fór í að keyra á rauð allt dótið til Reykjavíkur þar sem það rúmaðist á einhvern hátt ágætlega í minni litlu íbúð. í apríl átti ég afmæli og varð 31 árs gömul (jahérna) og embla varð 2 ára. Apríl mánuður var brjálaður mánuður í skólanum því að allt var á endasprettinum til að ljúka verkefnum. í þessum mánuði tók ég einnig kindurnar mínar og anna systir líka og við fluttum með þær búflutningum, anna með sínar í hólminn en ég með mínar að næsta bæ.´i endamánaðrins fæddist anita sif þannig að embla var búin að fá systur og rannveig og brandur´aðra dóttur. mai kláraði ég prófin og vann hálfan mánuð á leikskólanum en fór þá í sumarfrí. mai eyddi ég síðan við sauðburð hjá kindunum mínum hjá frænku minni. þennan mánuð fæddist Gerður Rós og fékk þá Ármann Þór systur en Dísa og Óli eignuðust dóttur. Í Júní byrjaði ég að vinna á Árnastofnun og fannst það mjög gaman. ég var þennan mánuð ýmist í bænum að vinna eða fyrir vestan að reka út úr túninu eða að gera eitthvað annað. Það sama var úpp á teningunum í júlí en þá fór ég líka í ferðalag með stelpunum til hennar Júllu. í ágúst var ég ´búin að vinna af mér vinnuna á árnastofnun þannig að ég var fyrir vestan í hálfnan mánuð að passa Halldóru Margréti og það var æðistlegt. ég fór einnig í ferðalag með henni og foreldrum hennar um vestfirði. í ágúst vann ég líka aðeins á safninu heima en fór síðan í seinnipart ágúst suður til að vinna á leikskólanum, sumarfríið þar var búið. September var síðan mánuður gangna og skóla þannig að ég reyndi að samræma vinnuna við þetta allt saman eins og best lét. í október var brjálað að gera í skólanum og anna systir kom líka suður til að fæða barn þannig að ég var komin á fæðingarvaktina til að taka Halldóru þegar að því yrði. Bjarni Þormar fæddist þó ekki fyrr en í nóvember og lét því bíða eftir sér guttinn sá en nóvember fór í að klára sem flest verkefni í skólanum á engum tíma. Desember var síðan prófamánuðurinn mikli en hann endaði síðan á miklum flugeldum á gamlárskvöld
lifið heil

búskapur

2005-11-28T18:24:00.000Z

Kindin mín er komin í leitirnar!! Það er venjulega ekki í frásögur færandi þótt að það vanti kindur sem að híma uppi á fjöllum en mín var þó ekki þar heldur var hún í góðu yfirlæti, feit og pattaraleg í fjárhúsum í sveitinni og þar hafði hún hlotið þennan fína eyrnalokk í eyrað sem að verður fljótlega tekinn úr henni þar sem mínar kindur eiga ekki að vera merktar á þennan hátt, greinilegt er að það er ekki orðið nóg nú til dags að marka kindurnar, fólk er hætt að horfa á markið og setur bara sitt merki í það, fussumsvei og hver var svo að tala um að sauðaruglingur væri liðin tíð? (það er jú, vel hægt að ruglast á kindum, eru þær ekki allar eins? þessi spurning er ekki fyrir bændur!!!!).

Endahnúturinn

2005-11-27T15:21:00.000Z

Nú er verið að binda endahnútinn á öll verkefni því að síðasti kennsludagur er á miðvikudaginn!! Ég tel mig reyndar vera búna að því að mestu leyti en þó er eitthvað fínerí eftir..síðan tekur bara við stanslaus próflestur þar til 20 des..þess vegna tók ég mig til og skrifaði öll jólakortin og er búin að kaupa alla pakkanna nema þrjá og pakka þeim inn..þannig að ég þarf ekki að hafa áhyggjur af því í próflestrinum..Hinsvegar hef ég ekkert farið heim síðan í október og ég verð að játa að mig er nú farið að langa mikið í sveitina en þangað til verð ég að láta mér nægja að horfa bara á þessa vefsíðu af bænum...þangað til næst
heido

Sunnudagur til sigurs!

2005-11-20T12:48:00.000Z

Er mætt upp í skóla til að fara að samræma glærur þar sem ég á að fara að halda fyrirlestur á morgun..skemmtilegt...var í þrusupartý í gærkvöldi þar sem dansaðir voru villtir dansar meðal annars við Ruslönu og ég verð að segja að það var nú hefý gaman...málið er að hún Hulla mín var þrítug..Til hamingju stelpa!!!

skondið!

2005-11-10T17:36:00.000Z

Nokkrar þýðingar á íslenskum málvenjum:

The raisin at the end of the hot-dog = Rúsínan í pylsuendanum.
I measure one-pulled with it = Ég mæli eindregið með því.
Now there won't do any mitten-takes = Nú duga engin vettlingatök.
I come completely from the mountains = Ég kem alveg af fjöllum.
Thank you for the warm words into my garden = Þakka þér fyrir hlý orð í minngarð.
Everything goes on the back-legs = Það gengur allt á afturfótunum.
He's comepletely out driving = Hann er alveg úti að aka.
It lies in the eyes upstairs = Það liggur í augum uppi.
She gave me under the leg = Hún gaf mér undir fótinn.
He stood on the duck = Hann stóð á öndinni.
I teach in breast of him = Ég kenni í brjósti um hann.
On with the butter!!! = Áfram með smjörið!

Er aldurinn farinn að segja til sín?

2005-11-10T17:19:00.000Z

Sælt verið fólkið...eruð þið farin að eldast? Rennið yfir þennan lista og kannið það hvort eitthvað á við ykkur...

1. Pottaplönturnar þínar eru á lífi og þú getur ekki reykt eina einustu.
2. Þú gefur þér tíma til þess að taka af þér úrið áður en þú ferð að stunda kynlíf.
3. Þú geymir meiri mat en bjór í ísskápnum.
4. Klukkan 6 að morgni er fótaferðatími en ekki háttatími.
5. Þú heyrir uppáhaldslagið þitt í matvörudeildinni í Hagkaupum.
6. Þú fylgist með veðurfregnum.
7. Vinir þínir giftast og skilja í staðinn fyrir að byrja og hætta saman.
8. Sumarfríið þitt styttist úr þrem mánuðum í þrjár vikur.
9. Bolur og gallabuxur eru ekki lengur spariklæðnaður.
10. Það ert þú sem hringir á lögregluna og kvartar yfir hávaða í nágrönnunum
11. Eldri ættingjar hætta að segja kynlífsbrandara nálægt þér.
12. Þú hefur ekki hugmynd um hvenær pizzustaðir loka á nóttunni.
13. Bílatryggingarnar lækka en afborganir af bílaláni hækka.
14. Þú ert farin að borða salöt sem aðalrétt
15. Þú færð bakverk ef þú sefur í sófanum
16. Þú vaknar kl 9 á sunnudögum af því það er svo hressandi
17. Út að borða og bíó er að fara út að skemmta sér en ekki bara byrjun á góðu kvöldi.
18. Þú verður slæmur í maganum, ekki saddur/södd ef þú færð þér heila pizzu kl 3 að nóttu.
19. Þú ferð í apótekið til þess að fá þér íbúfen,ekki til þess að kaupa smokka eða þungunarpróf.
20. Vín undir níuhundruð kalli eru ekki lengur ágætiskaup
21. Þú borðar morgunverð á morgunverðartíma
22. "Ég get ekki drukkið eins og ég er vanur" kemur í staðinn fyrir"ég ætla aldrei að drekka aftur svona mikið"
23. 90% af tíma þínum framan við tölvuna fer í raunverulega vinnu.
24. Þú drekkur ekki lengur heima til þess að spara pening áður en þú ferð á bari.
25. Þú lest allan þennan lista og leitar í örvæntingu að einhverju sem á ekki við þig.

sæl verið þið!!

2005-11-08T18:02:00.000Z

Brjálað að gera eins og alltaf..en ég ætla þó að benda þeim sem vilja sjá nýjasta frændann sem að kom í heiminn þann 1. nóvember síðastliðinn að hægt er að sjá myndir af honum á síðunni hennar Önnu Margrétar. Anna Margrét er dóttir Palla og þar með stjúpdóttir Önnu systir (ef einhver er ekki með á nótunum).
Kveðja
Bryndís

Minningargreinar geta verið skemmtilegar

2005-11-02T19:25:00.000Z

Hafið þið ekki stundum fest í því að lesa minningargreinar? sérstaklega ef það er ungt fólk sem að hefur dáið..mér hættir til að vilja grafast fyrir um ástæðuna...en minningargreinar geta líka verið dálítið skemmtilegar..´Hér koma nokkrar setningar úr minningargreinum;

...en dauðinn sigraði fyrr en vonir stóðu til

..... oft var beðið eftir því að Mundi væri allur, en hversu oft hann reisupp frá dauðum var óskiljanlegt

.....Smári var vandaður maður sem gott var að drekka með kaffi, því hann var hafinn yfir það smáa. Þú gekkst inn í nýjan heim og fékkst þér sæti viðborð. Smári var andstæðan sjálf, félagsvera en gekk þó aldrei í neitt félag

.... bréf barst að heiman: Baddi var dáinn. Það hlýtur að hafa verið gott að vera kind í fjárhúsunum hans Badda frænda

.... Drottinn minn, gefðu dánum ró og hinum líkin sem lifa

..... Jafnvel dauðann, sem alla leggur, sigraði hún á sinn hátt með bros á vör

......Við andlát Gunnu minnist ég þess hlýja kærleika, áhuga og alúðar semhún sýndi mér sem barni, sérstaklega þegar ég komst á unglingsár og þegar égvarð fullorðinn

..... Enda lét hún ekki deigan síga, fyrr en í rauðann dauðann

..... Þeir sem guðirnir elska, deyja ungir. Þessi orð koma mér í hug er ég minnist afa. Hann var á 93. aldursári þegar hann lést

.... Ég bið þann, sem lífið gaf að hugga, styrkja og bæta aðstandendum skaðann

.....En jólaboðin hjá Betu breyttust gegnum árin. Börnin gengu út hvert af öðru

....Sigríður lést þennan dag klukkan 4. Hún hafði ætlað að eyða deginum í annað

.... Hann skrapp úr vinnu til að fara í þrekprófun í Hjartavernd, en kom þaðan liðið lík

.....Bryndís giftist ekki og eignaðist ekki börn í venjulegum skilningi þess orðs

.....Þrátt fyrir góða greind gekk hún aldrei í kvenfélag

.....Á þessum fjölbreytta lífsferli kynntist Bjarni mörgum mönnum af ýmsu þjóðerni. Þar á meðal Indíánum og Kínverjum. Hann lærði tungumál þeirra að meira eða minna leyti., einkum þó ensku og Norðurlandamálin

.....Gönguferðin þeirra varð styttri en menn vonuðu. Banvænn sjúkdómur beið hennar bak við stein og sló hana fljótt til jarðar

....hann var sannur Íslendingur og dó á 17. júní

..... enda þótt María væri þá hálfslæm í fæti, lék hún við hvern sinn fingur

....Í dag kveðjum við kæran samstarfsmann og félaga. Hann tók sér tveggjadaga frí til að kveðja þennan heim.

Hvað er að???

2005-10-21T17:30:00.000Z

Ég held að ég sé orðin eitthvað skrýtin...málið er að ég er komin með líkamsræktaráráttu, mér líður hreinlega illa ef að ég missi af leikfimi og þá er ég að meina ef að ég missi af einum tíma...það er hreinlega hræðilegt...ég fer fjórum sinnum í viku, mánudögum, miðvikudögum, föstudögum og laugardögum en væri til í að fara líka á fimmtudögum en þeir tímar eru bara of seint...og ég þarf nefnilega líka að læra...í vikunni á þriðjudag fékk ég nefnilega ælupest dauðans..hélt að garnirnar væru bara á leið út.. og síðan er ég bara ekki búin að ná mér og veit bara ekki hvernig ég að fara að þar sem ég er að missa af leikfimi!!! Veit einhver lækningu við þessu????

Til hamingju!!!

2005-10-18T17:11:00.000Z

Sigga mín!!! Til lukku með afmælið á sunnudaginn...gaman að vera skriðin á fertugsaldurinn!

Einn góður

2005-10-16T13:15:00.000Z

Evelyn var að senda mér einn góðan;
Þrír karlar sátu saman yfir glasi. Þeir fóru að ræða um eiginkonur sínar.Fyrst segir sá dökkhærði - konan mín er svo undarleg, það varnautakjötsútsala í Hagkaup um daginn og hún keypti 50 kg af kjöti og við semeigum ekki einu sinni frystikistu. Nú liggur allt þetta kjöt í þvottahúsinuog við komumst örugglega ekki yfir að éta það áður en það skemmist.Þá segir sá rauðhærði - konan mín er svo klikkuð, það var útsala á notuðumbílum um daginn og hún keypti sér Toyotu og hún er ekki einu sinni meðbílpróf. Nú stendur bíllinn bara framan við húsið okkar óhreyfður.Þá var ljóshærði karlinn farinn að veltast um af hlátri og segir við félagasína - ykkur finnst konurnar ykkar ekki gáfulegar, þið ættuð þá að vitahvernig mín er. Hún er úti á Grikklandi með saumaklúbbnum sínum, ha, ha,ha, og hvað haldið þið að hún hafi tekið með sér, ha, ha, ha. Hún tók meðsér 50 pk af smokkum og hún sem er ekki einu sinni með typpi.

Próf

2005-10-11T18:09:00.000Z

Haldiði ekki að það sé barasta komin próftafla þannig að núna getur maður farið að skipuleggja sig og byrja á því á morgun að fá frí í vinnunni í desember. Ég er búin í prófum þann 20. desember...bara snemma miðað við venjulega þannig að líklega fá allir bara keypt jólakort að þessu sinni..ekkert föndur í gangi...hinsvegar er ég búin að ákveða það núna að ég ætla að nýta allann auðan tima..sem er nú ekki mikill..til að glósa námsráðgjöfina þar sem ég lendi alltaf í því að vera að því um leið og ég frumles fyrir próf...ekki sniðugt...

2005-10-09T16:24:00.000Z

ég veit ekki hvert pósturinn minn fer... er alltaf að blogga en hann fer eitthvað annað..held ég

Til hamingju Edda

2005-10-09T15:08:00.000Z

Til hamingju með daginn á morgun..Edda...

Verkefni

2005-10-09T14:56:00.000Z

Mér leiðast verkefni...reyndar endalaus verkefni...ég var að lesa á heimasíðunni hennar Júllu að hún er að lesa fyrir próf..ég segi bara jahérna..ég held að það hafi ekki komið enn fram í minni háskólasögu (sem er nú orðin heldur löng) að það hafi gerst..ég hef alltaf frumlesið fyrir próf því að ég hef alltaf verið að vinna verkefni alla önnina...en gaman gaman..hugs..hugs..best að vera bara jákvæður og með jákvæðar hugsanir..fékk þetta sent frá Evelyn...

Minningarorð! Látinn er í Reykjavík nautið Guttormur, 14 vetra að aldri. Minningarathöfnverður haldin á veitingastaðnum Argentínu í kvöld. Guttormur dvaldi mest alla ævi sína í Húsdýragarðinum í Laugardal þar semhann starfaði lengst af sem þarfanaut... Hann stundaði á sínum tíma nám við Landbúnaðarháskólann á Hvanneyri endatalinn kýrskýr með afbrigðum. Hann var snemma áhugasamur um kýr og í raun haldinn algjörri kúadellu. Hannlagði því stund á kúariðu með ágætum árangri og var lengst af kúaður þannig að fáir hafa leikið það eftir.Guttormur þótti einnig listhneygður með afbrigðum og naut sín vel ákúasýningum. Þess má geta í því sambandi að enn stendur uppi einkasýning á verkum hans í Gallerí Kjöt. Þá gafGuttormur út þrjár ljóðabækur, "Baulaðu nú Búkolla mín", "Róst bíf og remúlaði" og "Naut í Flagi" Eftirlifandi eiginkú Guttorms er Búkolla. Guttormur lætur eftir sig 24kálfa. Útför hans fer fram frá kjötvinnslu SS síðar í vikunni.

Þetta kom líka frá Evelyn

1. Men are like ...... Laxatives .. They irritate the shit out of you.
2. Men are like . Weather .. Nothing can be done to change them.
3. Men are like . Blenders .. You need One, but you're not quite sure why.
4. Men are like . Chocolate Bars . Sweet, smooth, & they usually head rightfor your hips.
5. Men are like ...... Commercials .. You can't believe a word they say.
6. Men are like . Mascara .. They usually run at the first sign of emotion.
7. Men are like ... Snowstorms . You never know when they're coming, howmany inches you'll get or how long it will last.
8. Men are like . Parking Spots . All the good ones are taken, the rest arehandicapped.

heido

þankagangur

2005-10-04T17:01:00.000Z

Af mér er allt ágætt að frétta...er núna í brjálaðri verkefnavinnu og nenni ekki að fara heim að læra...skrýtið!!! Hinsvegar eyddi ég helginni uppi á fjöllum þar sem ég var að kafa snjó upp í hendur að elta rollur...raunin var síðan sú að ég átti engar af þeim þannig að mínar kindur eru enn uppi á fjalli...daginn eftir að ég hafði verið uppi á fjalli rigndi þannig að allur snjórinn fór, kaldhæðni??? Hvað um það ég þarf greinilega að eyða annarri helgi uppi á fjalli til viðbótar þannig að ef einhver vill koma með og bana nokkrum kílóum í leiðinni þá má sá hinn sami hafa samband í snatri..hver sagði að það væri ekki gaman að vera farandbóndi?

Þjóðfræðingar eru bestir!!!

2005-09-28T17:36:00.000Z

Í gær eftir vinnu kom Ranný...þessi elsku besta elska..til mín (love you!!!) og hjálpaði mér í gegnum þrautir gærdagsins sem voru sko ekki litlar..en þær snérust einkum um að berja þessa tölvudruslu sem að ég var að vinna í hér uppi á þjóðarbókhlöðu..þannig var að ég var búin að vinna eitt verkefni í áfanganum sem ég er í fjarnámi í og var búin að senda kennaranum það en fékk það sent til baka og mátti þá leiðrétta..málið er að ég hefði gert það strax rétt ef að ég hefði kunnað það en núna sat ég með sveitt ennið að reyna að setja tölur á réttan stað á blað( og þá meina ég hárréttan stað og það mátti ekki nota neina takka nema einn til þess að koma stöfunum á réttan stað) en Ranný er draumur hvers manns og þá einkum Brands (Brandur, love you too) og með hennar aðstoð eru mér allir vegir færir... málið er hinsvegar það að í staðinn tók hún viðtal við mig og það var dálítið skrýtið að vera hinum megin við segulbandstækið og vera að ræða um þjóðfræðina út í gegn..fyrir ykkur þjóðfræðinga þá lýsti ég ykkur öllum sem bestu og indælustu persónum sem að uppi hafa verið..núna er bara að bíða eftir að fleiri uppgötvi hvað við erum indæl og æðisleg og vilji fá að taka viðtal við okkur

Vandræði

2005-09-26T18:02:00.000Z

Eitt sem fylgir því að láta fólk gera hlutina fyrir sig er það að maður getur þá ekki gert hlutina sjálfur.... þannig er að núna er mig farið að langa að láta fleiri bloggara inn á svæðið mitt en kann það bara ekki...þannig að þeir sem ekki eru komnir sem mínir vinabloggarar mega alls ekki móðgast við konuna heldur verða þeir bara að bíta í það súra epli að þekkja konu sem að ekki kann neitt fyrir sér í tölvumálum...þannig er það bara og verður þannig þangað ég ræðst á Guðrúnu og fæ hana til að kenna mér listina sem er eflaust ekki neitt erfið en vex ótrúlega í augum manneskju sem að lítur á tölvu sem hættutæki dauðans...annars er allt gott að frétta..er á fullu í náminu en er satt best að segja barasta kominn með dálítinn námsleiða og hann eiginlega ekki neitt lítinn...hinsvegar horfir maður bara fram á veginn og sér fyrir sér útskrift í vor (vonandi) þannig að þá er einum áfanga náð af tveimur (eða reyndar þremur því að mig er farið að langa dálítið mikið að hlýða og fara til Osló í master í þjóðfræði).. Planið er sem sagt að fara og klára kennsluréttindin í vor og námsráðgjöfina næsta vor...vinna eitt ár og fara síðan í master í þjóðfræði til Osló (ef ég kemst þar inn!!!)...ekki ágætis plan,, ha?? En núna er mér víst ekki til setunnar boðið þar sem ég á að vera að lesa því að ég er að fara að vinna hópverkefni klukkan sjö og er ekki farin að lesa neitt að ráði fyrir það...
heido

Ég var klukkuð!!!

2005-09-15T20:40:00.000Z

Ég var klukkuð af henni Guðrúnu og verð því að koma fram með fimm handahófskenndar staðreyndir um sjálfan sig....

1. Ég sé geðveikt illa, er reyndar með 3 á öðru auganu og 6 á hinu. Þegar ég tek ofan gleraugun verð ég eins og blindur skakkur kettlingur (sé allt skakkt) og verð alltaf að setja handklæðið á sama staðinn í Hreyfingu því að annars finn ég það ekki aftur...ekki gaman ef það væri pikkað í mann og sagt; Sorry, þú ert að þurrka þér á minni eign!!

2. Ég er hrikalega in love af bílnum mínum...svo mikið að ég tími ekki að henda honum þótt að hann gangi ekki og sé að ryðga niður...Hann er hreinlega fyrsti og eini bílinn minn og ég gæfi honum hiklaust yngingarpillu ef það væri hægt...á því mjög erfitt með að velja mér nýjan bíl því að enginn bíll stenst samanburð við Rauð...bilun eða hvað!!!

3. Ég vinn aldrei nema undir álagi..ef ég er aðeins í einni vinnu en engum skóla þá geri ég hreinlega ekki neitt nema að geispa og gapa og finnast lífið vera frekar leiðinlegt..tvær vinnur eru allt í lagi eða vinna og skóli...þarf að læra að slappa af...

4. Varð brjáluð í dag...skammaði kerlingu sem að setti mig alltaf á bið þegar ég var að hringja í búð og spyrja um vöru...hún fór að afsaka sig með fáu starfsfólki og matarhléi...sagði henni að hún væri búin að eyða mínu matarhléi í vinnunni í bið í símanum...sagði það reyndar ekki kurteislega enda varð hún dáldið miður sín..og mér er sama!!!

5. ég elska það að vera úti á landi!! í borginni svona lalala allt í lagi í einhvern tíma..vil frekar skreppa í bæinn helgi og helgi en eiga heima úti á landi....

2005-09-07T18:01:00.000Z

Bloggið er eitthvað að stríða mér..þetta er prufa núna

2005-09-07T17:57:00.000Z

Á fullu

Það er allt á fullu hjá mér núna og ég hef ekki lengur yfirsýn yfir þetta allt saman sem er að gerast. Ég er byrjuð að vinna á leikskólanum og er líka byrjuð í skólanum. Ég er að klára kennsluréttindanámið og er að byrja í námsráðgjöfinni um leið... Þetta hljómar allt vel en er líka brjáluð vinna. en vonandi skemmtilegt. Hinsvegar má segja að helstu fréttir séu þær að hann Rauður minn fékk skoðun án athugasemda þrátt fyrir...að vera dembaralaus á annarri hliðinni, ryðgaður í gegn, með ónýtt dekk og margt fleira...allt tel ég þetta að vera að þakka silikonspreyi sem að ég keypti samkvæmt ábendingu Guðrúnar þannig að hann fór í gang á skoðunardaginn og gekk allavega fram yfir skoðunina!!!

En nóg í bili

heido

Á fullu!!

2005-09-07T17:48:00.000Z

Það er allt á fullu hjá mér núna og ég hef ekki lengur yfirsýn yfir þetta allt saman sem er að gerast. Ég er byrjuð að vinna á leikskólanum og er líka byrjuð í skólanum. Ég er að klára kennsluréttindanámið og er að byrja í námsráðgjöfinni um leið... Þetta hljómar allt vel en er líka brjáluð vinna. en vonandi skemmtilegt. Hinsvegar má segja að helstu fréttir séu þær að hann Rauður minn fékk skoðun án athugasemda þrátt fyrir...að vera dembaralaus á annarri hliðinni, ryðgaður í gegn, með ónýtt dekk og margt fleira...allt tel ég þetta að vera að þakka silikonspreyi sem að ég keypti samkvæmt ábendingu Guðrúnar þannig að hann fór í gang á skoðunardaginn og gekk allavega fram yfir skoðunina!!!
En nóg í bili
heido

Góðir hálsar!!

2005-08-22T17:50:00.000Z

Sæl öll sömul. Núna er ég mætt aftur í borgina og er farin að vinna. Fríið var æðislegt..ég ferðaðist um vestfirði eins og þeir leggja sig og það var frábær ferð í góðum félagsskap..hinsvegar mæli ég með hjartastyrkjandi og róandi fyrir viðkvæmar sálir sem að ég hafði nú ekki talið mig vera fyrr en í þessari ferð. Vestfirskir vegir þar sem maður þarf að hanga í hlíðum með grjóturðir fyrir ofan sig og opið hafið fyrir neðan orsaka öran hjartslátt hjá mér. Þegar ég tala um vestfirska vegi á ég ekki við þá sem að eru í helstu alfaraleið heldur einkum þann sem að liggur út í Hænuvík og niður á Rauðasand. Við systurnar toldum ekki lengi í Hænuvík sökum skorts á hjartapillum, vatnsleysis, kríuvarpsins sem var fyrir utan dyrnar og andans í húsinu. Reyndar var húsið mjög gamalt og margir gamlir munir þar (öll gömlu heimilistækin og töskur fyrrverandi íbúa að meðtöldum koppnum hans sem að enn var undir rúminu). Eftir að hafa farið í hættuför með hvít andlit niður á Rauðasand og kíkt á Látrabjarg og safnið á Hnjóti skunduðum við úr Hænuvík allavega 5 dögum fyrr en ætlað var í upphafi. Safnið á Hnjóti er flott og eflaust mun vegurinn þangað venjast vel helst ef maður veit að ekki þarf að dröslast hann allan út í Hænuvík og því mæli ég með því fyrir hugrakka þjóðfræðinga, þar er þó ekki samband við umheiminn í gegnum gsm! Við fengum gistingu á gistihúsi Erlu á Patreksfirði eina nótt og það var æðislegt gistihús og alls ekki dýrt og mæli hér með með því!!! Daginn eftir fórum við í Selárdal og á Uppsali. Vegurinn þangað er fínn og aðeins einn hjartapilluhöfði sem að telst bara nokkuð gott. Mér fannst frábært að koma að Uppsölum enda nýbúin að lesa bók um Gísla. Þaðan skunduðum við á Barðaströndina þar sem við höfðum fengið lánaðan sumarbústað hjá bróður Palla mágs og þar dvöldum við í góðu yfirlæti og kíktum á Tálknafjörð, Patreksfjörð, Bíldudal og fleiri staði þar í kring. Að lokum fórum við á Ísafjörð þar sem við vorum hjá systur Palla og höfðum það rosalega gott. Þaðan brunuðum við síðan heim. Tveim vikum eyddi ég síðan heima á dönskum dögum og fleiru..en nóg í bili
heido

Það er að koma frí

2005-07-27T09:42:00.000Z

Í dag er síðasti dagurinn minn hér á árnastofnun. Ég get eiginlega ekki sagt að ég sé mjög glöð yfir því en ég er hinsvegar glöð yfir því að vera að fara í frí. Ég ætti ekki að vera búin strax að vinna hér en ég hef náð að vinna af mér nokkra daga þannig að ég hætti fyrr, en á launum! Núna er stefnan tekin vestur á morgun með systur minni og hennar family og síðan beint í sumarbústað með hinni systur minni og hennar family. Ég kíki kannski á hina systur mína og hennar family áður en ég fer í frí eða eftir það (er þetta orðið dálítið mikið af systrum?) Fyrir þá sem ekki vita þá á ég eina systur í bænum, eina í hólminum, eina í helgafellssveit, einn bróðir í bænum, einn í húnavatnssýslunni og 1/2 bróðir í hafnarfirðinum (kannski). Alls gera þetta 12 systkinabörn og nokkur eru enn bumbulíusar en koma í ljós á árinu og bætast þá við töluna. Úff, get ekki verið svona mikil frænka!! En hinsvegar læt ég mig líklega hverfa eitthvað héðan úr þessu tölvuvædda samfélagi um stundarsakir...en þangað til næst..hafið það gott!!!
heido

Brókarbæjarnafn

2005-07-26T15:01:00.000Z

Brækur munið þið eftir þessu bæjarnafni???

Bóndinn á Hunkurbökkum átti 7 eða 9 reyktar nautshúðir í eldhúsinu. Þær voru borðaðar í móðuharðindunum og þar dó fátt fólk. Húðirnar héldu lífinu í fólkinu.

Hreinn sveitamaður

2005-07-26T13:16:00.000Z

Þegar við sveitamennirnir förum í kaupstaðinn vill oft gerast ýmislegt skoplegt, ég skil Jón voða vel og sýni honum sveitalega samstöðu

Snorri lét Jón gista á Herkastalanum. Þar var óskaplega fínt klósett og fannst Jóni þetta nú eiginlega of fínt til að hafa hægðir í það. Honum var sagt að hann ætti að toga síðan í spotta sem að hékk þarna. Jón settist á klósettið og togaði í spottann. Þá fór þá ekki betur en svo að það kom vatn upp í buxurnar hans og það fór allt á flot. Ljós var þarna inni og ætlaði Jón að reyna að slökkva ljósið en það var sama hvernig hann blés ekki slokknaði það. Honum sundlaði við allan þennan blástur þannig að hann skrikaði til og lenti hann með annan fótinn ofan í klósettskálinni. Skálin var full því að hann hafði klárað allt vatnið. Frekar varð óhreint þarna inni þegar Jón var búinn að hrista fótinn sem lenti ofan í skálinni. Jón fór inn í herbergið og þar var líka ljós sem að hann gat ekki slökkt þótt að hann blési af öllum kröftum. Kvöldið eftir fór Jón með Snorra í bíó. Strákur kom inn með bakka af góðgæti og bauð honum að fá sér en Jón vildi ekkert því að það var ekki matmálstími. Þetta var ágætismynd en í henni voru löggur að elta bófa. Bófarnir fóru ofan í kjallara og stóð þá Jón upp og kallaði á löggurnar til að segja þeim hvar bófarnir hefðu falið sig.

Tæknivæðing

2005-07-26T11:40:00.000Z

Þessi litla saga segir mjög mikið og fær mann til að hugsa um hvað tæknivæðingin hefur verið hröð. Heimildarmaður er fæddur árið 1884

Sagt frá framfarahug í sveitinni. Sumir voru fyrir framfarir en aðrir ekki. Árið 1903 unnu bræður það afrek í Ameríku að fljúga nokkur hundruð metra í flugvél. Fréttin um þetta kom í blöðum hingað til lands. Eitt sinn fór heimildarmaður til kirkju og í kaffi á eftir messuna. Rætt var um þessa frétt þar og sköpuðust fjörugar umræður um þetta. Sumir töldu engar líkur á því að mönnum tækist nokkurn tímann að fljúga að nokkru gagni. Einn var þó bjartsýnn á þetta og hann taldi að hægt væri að fljúga yfir á ef annar bakkinn væri hærri en hinn. Presturinn tók engan þátt í þessari umræðu. Heimildarmaður taldi að hægt væri að fljúga á milli landa og spáði hann því að sumir þeirra sem að þarna væru inni ættu eftir að sjá flugvél. Allir nema presturinn töldu heimildarmann vera vitlausan.

Hvað verður búið að finna upp eftir 100 ár?
heido

Húrra!!

2005-07-26T09:17:00.000Z

Litla frænka mín, litla dúlli dúll, er farin að tala! Hún gerði sér lítið fyrir á afmælisdegi föður síns og ákvað að gleðja hann með því að spjalla við hann. Venjulega hefur hún aðeins sagt iss, iss og ha en fylgst með athygli með öllu sem að sagt hefur verið við hana. Í gærkvöldi talaði ég við hana í síma og það var frábært. Hún sagði bleyja, epli og pissa alveg rétt og það var rosalega gaman. Greinilegt að hún hefur ákveðið að hlaða inn upplýsingunum fyrst og koma þeim síðan alveg hárrétt frá sér. Ég er rosalega stolt af litlu snótinni.
heido

Strætó!

2005-07-26T08:02:00.000Z

Ég er ekki ánægð með þessa nýju og góðu þjónustu strætó og í rauninni finnst mér að það eigi að hrósa þeim ráðsnjalla manni sem að fann upp þetta leiðakerfi fyrir að vera svona vitlaus...Það tók mig klukkutíma að komast heim úr Hreyfingu í gær en venjulega hefur það tekið mig 30-20 mínútur. Ég verð að játa að ég varð orðin býsna pirruð á því að bíða og lýsi bara frati á alla strætóuppfinningasnilla!!!
heido

Sólbruni!!!

2005-07-25T11:44:00.000Z

Það var þreyttur og sólbrenndur!!! ferðalangur sem að skreið upp í rúm seint í gærkvöldi. En helgin var meiriháttar. Á föstudaginn var haldið á klaustur um 3 leytið og stoppað í Hveragerði og þar étinn hamborgari. Þaðan lá leiðin á Hvolsvöll þar sem áð var í sjoppunni. Teygt var úr sér í Vík og að lokum komið að Klaustri þar sem slegnar voru upp tjaldbúðir á túni leggjamjós bónda. Farið var síðan á systrakaffi, með viðkomu og innliti á öllum veitingastöðum bæjarins, dansað, spjallað og farið í leiki um kvöldið. Sumir veltu sér upp úr heyi og höfðu gaman af. Um kvöldið var kíkt á barinn og tjaldbúar gengu síðan til náða á mismunandi tímum sólarhringsins. Morguninn heilsaði okkur síðan með þungbúnu veðri, fuglasöng!! og þynnkan hafði heimsótt einhverja. Dagurinn var tekinn rólega, farið í sund og ýmsa leiki og slappað af. Við fórum í gönguferð upp á fjall sem var alveg nauðsynleg til að liðka alla stirða liði. Um kvöldið var grillað kjöt og Hulla, Finnur og Ella kíktu í heimsókn. Kíktum síðan á barinn seinna um kvöldið. Dagurinn í gær var sólríkur og eftir stendur mikill sólbruni. Við fórum í skemmtilega gönguferð upp í sönghelli og systravatn. Útsýnið var frábært ofan af fjallinu og flestir ættu að drífa sig þangað. Við lögðum af stað um 8 leytið og vorum komin í bæinn um 12 þar sem við komum við í Paradísarhellir á leiðinni. Takk fyrir frábæra helgi
heido

Helgi framundan

2005-07-22T08:52:00.000Z

Það er að koma helgi. Núna er konan að halda á klaustur, þar er ætlunin að una sér vel við fuglasöng, sól og vini um þessa helgi. Við Brækur erum að fara að gleðjast með henni júllu brók þar sem sú kona er að sigla inn í 33 aldursárið á sunnudaginn. Hulla og Finnur eru líka að fara á klaustur að ná í strákana sem að hafa verið þar í góðu yfirlæti hjá ömmu sinni. Þannig að þetta lofa allt góðu hipp, hipp, húrra!!!
heido

Til lukku!!!

2005-07-21T08:16:00.000Z

Helga mín, þjóðfræðingur með meiru, var að fá svar um að henni hefði verið veitt innganga í master í þjóðfræði í Cork. Þannig að hún og Júlla mín eru þá báðar að fara í masterinn í haust, fer þetta ekki að verða spurning um að drífa sig líka? En samt sem áður til lukku þið eruð til fyrirmyndar fyrir okkur hin!!!

Láttu hólminn heilla þig

2005-07-20T11:05:00.000Z

Geggjað veður í hólminum!!!
http://www.stykk.is/webcam.html

Sumarfrí

2005-07-20T07:53:00.000Z

Í gær var systir mín (sem er mesti fjallgöngugarpur íslandssögunnar) að fræða mig um leyndardóma sumarbústaðarins sem að ég er að fara í og verð viku í. Hann er staðsettur á Vestfjörðum rétt hjá Hnjóti, til að komast þangað þarf ég að fara undir brattan múla sem er víst all skelfilegur (að hennar sögn) en það versta er að til að komast þaðan þarf ég líka að fara þennan múla. Ég sé því fyrir mér að ég muni verða föst þarna í bústaðnum í heila viku því að systir mín sem ég fer með (ekki sú sama) er nokkuð vel ólétt og kærir sig lítið um lífshættur á þessum tímapunkti. Hinsvegar er mágur minn ofurhugi mikill, sællar minningar þegar við spóluðum, takið eftir spóluðum!!, upp Húsavíkurfjall þannig að það er aldrei að vita hvað honum leggst til...ég held að þetta verði mikil tilbreyting þessi ferð.

heido

Karlmenn!!!!!

2005-07-19T09:09:00.000Z

Þessir karlmenn þeir taka sumir hverjir litlum breytingum!

Bjarni á var hraustur maður en mikill stirðbusi. Hann var ekki greindur, latur og mikill matmaður. Hann átti konu og fullt af börnum. Hann var alltaf sníkjandi því að þau voru fátæk. Hann var vanur því að láta konuna bera heybaggana heim en sjálfur sat hann á einni merinni. Eitt sinn þegar konan var ófrísk sat hann á merinnni en lét hana hlaupa með heyið á bakinu við hliðina og sagði “Hlauptu nú, hlauptu nú Gunna, því nú ríð ég hart”.

Björn átti tvær konur en þær voru systur og svaf hann hjá þeim sitt hvora vikuna. Hann átti börn með þeim annaðhvort ár með sitthvorri. Prestum var illa við þetta fyrirkomulag. Hann átti mikið af börnum og það var allt stelpur.

Stefán var faðir þessara manna og hann var mikið hraustmenni. Eitt sinn var hann að koma með heyfarm úr eyjum og bað hann þá kaupakonuna að koma til sín til að stýra á meðan hann fékk sér í nefið en 9 mánuðum seinna ól hún barn. Honum hélst vel á kaupakonum og einu sinni var hann einn með kaupakonuna á engjum og kom þá konan til þeirra með kaffi og kom að þeim í vafasömum athöfnum. Sagði Stefán að það væri nauðsynlegt að hafa kaupakonurnar góðar og hann skyldi muna að sinna konunni um kvöldið þannig að hún þyrfti ekki að vera að gera mál úr þessu.

Helgin búin

2005-07-18T07:59:00.000Z

Jæja, þá er helgin búin og komin önnur endemis vinnuvikan...kvarta þó ekki mikið því að mér finnst meira en fínt að vera í þessari vinnu...en alltaf er þó gott að gera eitthvað annað en að vinna. Ég fór vestur á helginni í miklum fjallgönguhug þannig að ég dröslaði Möggu frænku með mér út og suður uppi á fjöllum og það var mjög gaman...verð þó að viðurkenna að það voru þreyttir og blautir ferðalangar sem að komu heim eftir um 4-5 tíma göngu. Kvöldið fór síðan í að syngja og horfa á latabæ með litlu frænku á meðan mamma hennar og pabbi skelltu sér út að borða og það var nú ekki leiðinlegt. Gærdagurinn fór síðan í heimsóknir, fékk skutl í Borgarnes og þaðan var tekin rúta í bæinn. Þessi vika snýst síðan um að vinna, fara í ræktina og hitta vinina!!! Jæja nóg blaður í bili.
heido

Margur er skrýtinn

2005-07-14T19:21:00.000Z

Gamansaga. Maður bjó þar sem vatn með silungsveiði var fyrir framan bæinn hans. Hann átti stóran hest sem að hét Moldi. Einn daginn fann hann svo stóra lús í rúminu að hann fór á henni og reiddi hestinn fyrir framan sig.

Gamansaga. Maður spurði eitt sinn kunningja sinn að því hvort að hann vissi að flói væri kallaður slíku nafni. Það vissi hinn ekki. Maðurinn sagðist einu sinni hafa þurft að fá ferju yfir Þjórsá og fór hann heim til ferjumannsins en hann var ekki heima. Konan hans var heima og var í vandræðum og sagðist hún ekki komast inn í bæinn því að hann væri fullur af fló. Spurði hann þá hvort að hún væri ekki búin að ná í flóadrottninguna en hún hafði aldrei heyrt á slíkt minnst. Hann fór inn og settist á bakið á drottningunni og hún flaug með hann út yfir Þjórsá og síðan heitir það flói.

Vá

2005-07-14T13:55:00.000Z

Það er komin sól úti!! slíkt hefur nú ekki gerst lengi...hundadagar byrjuðu í gær og veðrið á þá að taka breytingum frá því sem það var fyrir þann tíma þannig að allt horfir þetta nú til réttrar áttar...ekki satt!!! við vonum allavega það besta þar sem senn dregur nær langþráðu sumarfríi!!!

Geggjað

2005-07-13T11:11:00.000Z

Var að hlusta á þessa vísu...mér finnst hún æðisleg!!!

Rauða kusa rekur við
rétt um miðaftanið
hún hefur lengi haft þann sið
það er ljótur vani.
vani, vani, vani, trumb, trumb

Sumarið

2005-07-13T07:55:00.000Z

Ég var í skelfingu og mikilli angist að uppgötva að sumarið er að verða búið!!! Að mínu mati hefur það reyndar aldrei komið þar sem hér er stanslaus rigning...En ég sé með lítilsháttar hryllingi að skólinn togast nær og nær...Undanfarna tvo mánuði hef ég unnið eins og vitlaus til að geta fengið mér þriggja vikna kærkomið frí í ágúst áður en ég byrja aftur í skólanum. Reyndar fer fríið í að passa litlu tveggja ára frænku mína á meðan systir mín er að vinna. Þrátt fyrir allan hrylling hlakkar mig til að klára kennsluréttindin og byrja í námsráðgjöfinni, held að þetta verði bara skemmtileg og erfið blanda í vetur. Annars er lítið sem að gerist í mínu lífi nema að vinna, sofa, sauma, borða, tala og fara í ræktina. Ég er reyndar orðin húkt á ræktinni og er með bömmer yfir að vera að fara í frí þar í 3 vikur...verð að vera dugleg þegar ég kem til baka!!

heido

Halló

2005-07-12T07:56:00.000Z

Vitið þið það að ég var að komast að því (hafði ekki hugsað út í það áður) að ég á hvorki meira né minna en þrettán gæludýr...Jú, ég á hana golsu, hvítu kollu, gulu kollu, frúna, svört, gránu, hvíta buffala, svörtu buffala, sauð og gemsu. Þetta eru jú allt kindurnar mínar sem að ég þarf núna að finna samastað fyrir á hverju hausti allavega þangað til ég get orðið mér úti um lítil fjárhús og lítinn blett en í vetur verða þær hjá frænku minni líkt og þær voru í smá tíma í vor. Síðan á ég Carmen, sæta, freka 8 ára gamla læðu. Og....á síðustu dögum var ég að bæta í flotann minn tveimur kanínuungum!!! Annar unginn er svartur með hvítt nef og hefur fengið nafn þaðan sem hann kemur og heitir Snabbi, hinn er hvítur með svart nef, svartar fætur og svart skott og heitir ekki neitt, einhverjar uppástungur?????? En nóg um þetta í bili, er farin að vinna

heido

Gaman, gaman

2005-07-11T12:59:00.000Z

Greinilegt er að þetta er allt saman að virka...mjög gaman...hinsvegar er mér ekki til setunnar boðið þar sem ég verð víst að halda áfram að vinna...alltaf stuð hér á árnastofnun innan um drauga, forynjur og gott fólk.

Það tókst

2005-07-11T12:48:00.000Z

Þetta tókst, með stafsetningarvillum af ýmsum gerðum, þannig að núna get ég farið að blogga þökk sé konunni með kvefið.

Prufublogg með meiru

2005-07-11T12:36:00.000Z

Fékk upphringinu í morgun frá konu með kvef (mikið kvef) varðandi það hvort að hún ætti ekki að skella mér í umheim annarra bloggara og vippa einni bloggsíðu fram úr erminni. Líkt og venjulega heillast ég af tækifærum ýmisskonar og taldi þetta bara vera upplagt og er því að prófa þessa list núna og gaman verður að sjá hvað gerist. Ýti á publish...Ýt!